Efnisorð
Tegund

Leita eftir efnisorðum

Sýnir 1001–1050 af 1496
Raða eftir:
16. des. 2020Covid-19, Fiskeldi, Landbúnaður, Matvælasjóður, Nýsköpun, Sjávarútvegur, Atvinnuvegir, Menningar-٫ nýsköpunar- og háskólaráðuneytið

Matvælasjóður úthlutar í fyrsta sinn: 62 verkefni hljóta styrk

Kristján Þór Júlíusson, sjávarútvegs- og landbúnaðarráðherra, kynnti fyrstu úthlutun Matvælasjóðs í morgun en alls hljóta 62 verkefni styrk að fjárhæð allt að 480 milljónir að þessu sinni. Alls bárust 266 umsóknir um styrki upp á 2,7 ma.kr. Hægt er að fylgjast með upptöku frá úthlutuninni hér, en hún var í beinu streymi. Gréta María Grétarsdóttir, formaður stjórnar Matvælasjóðs kynnti úthlutunina og vinnu stjórnar og fagráða sjóðsins.

16. des. 2020Covid-19, Landbúnaður, Matvælasjóður, Nýsköpun, Sjávarútvegur, Atvinnuvegir, Menningar-٫ nýsköpunar- og háskólaráðuneytið

Fyrsta úthlutun Matvælasjóðs: Beint streymi í dag kl 9:30

Kristján Þór Júlíusson, sjávarútvegs- og landbúnaðarráðherra, og Gréta María Grétarsdóttir, formaður Matvælasjóðs, kynna fyrstu úthlutun sjóðsins í beinu streymi í dag, 16. desember 2020, kl. 09:30. Alls bárust 263 umsóknir um styrki. Sjóðurinn hefur 500 milljónir til úthlutunar. Sjóðurinn var stofnaður í apríl, en hlutverk hans er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Áhersla er á nýsköpun, sjálfbærni, verðmætasköpun og samkeppnishæfni íslenskrar matvælaframleiðslu um land allt.

15. des. 2020Húsnæðis- og mannvirkjamál, Skipulagsmál, Nýsköpun, Vísindi nýsköpun og rannsóknir, Atvinnuvegir, Menningar-٫ nýsköpunar- og háskólaráðuneytið

Byggingavettvangurinn útfærir tillögur sínar um langtímaætlun um fyrirkomulag rannsókna, þróunar og nýsköpunar

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra hefur gert samkomulag við Byggingavettvanginn um útfærslu á tillögum um langtímaáætlun um fyrirkomulag rannsókna, þróunar og nýsköpunar í byggingariðnaði þar sem nú liggur fyrir að leggja á Nýsköpunarmiðstöð Íslands niður. Byggingavettvangurinn er samráðsvettvangur hagaðila í bygginga- og mannvirkjagerð.

14. des. 2020Neytendamál, Vísindi nýsköpun og rannsóknir, Nýsköpun, Atvinnuvegir, Atvinnuvegaráðuneytið

Verkefni Efnagreininga flytjast til Hafrannsóknastofnunar

Þórdís Kolbrún Reykfjörð Gylfadóttir, ferðamála-, iðnaðar, og nýsköpunarráðherra hefur undirritað samkomulag við Hafrannsóknastofnun, rannsókna- og ráðgjafastofnun hafs og vatna, um að flytja verkefni og tækjabúnað Efnagreininga Nýsköpunarmiðstöðvar Íslands til stofnunarinnar. Starfsmönnum Efnagreininga voru boðin störf hjá Hafrannsóknastofnun og áætlað er að formlegri sameiningu verði lokið um áramót.

10. des. 2020Forsætisráðuneytið, Auðlindir, Líf og heilsa, Neytendamál, Vísindi nýsköpun og rannsóknir, Fiskeldi, Landbúnaður, Loftslagsmál, Matvælasjóður, Nýsköpun, Ríkisstjórn, Sjávarútvegur, Atvinnuvegir, Atvinnuvegaráðuneytið

Fyrsta matvælastefnan fyrir Ísland kynnt: Stefnan mörkuð til 2030

Katrín Jakobsdóttir forsætisráðherra og Kristján Þór Júlíusson, sjávarútvegs- og landbúnaðarráðherra, kynntu í dag Matvælastefnu fyrir Ísland til ársins 2030.

09. des. 2020Atvinnuvegaráðuneytið, Landbúnaður, Atvinnuvegir

Skýrsla lagastofnunar um samkeppnisreglur búvöruframleiðenda

Lagastofnun Háskóla Íslands hefur skilað skýrslu um undanþágur frá samkeppnisreglum er varða samstarf milli búvöruframleiðenda í ljósi EES-/ESB réttar. Kristján Þór Júlíusson, sjávarútvegs- og landbúnaðarráðherra gerði samning við Lagastofnun fyrr á árinu um verkefnið og er tilgangur hennar að veita yfirlit yfir lagareglur í landsrétti, EES- rétti og ESB-rétti, sem heimila framleiðendum búvara og samtökum þeirra að starfa saman á afmörkuðum sviðum og fela um leið í sér undanþágur frá almennum samkeppnisreglum.

04. des. 2020Atvinnuvegaráðuneytið, Sjávarútvegur, Atvinnuvegir

Loðnuleit rædd í ríkisstjórn

Kristján Þór Júlíusson, sjávarútvegs- og landbúnaðarráðherra, gerði á fundi ríkisstjórnarinnar í morgun grein fyrir stöðu loðnuleitar. Vísaði ráðherra til þess að atvinnuvega- og nýsköpunarráðuneytið heimilaði nýverið grænlenska uppsjávarskipinu Polar Amaroq að stunda rannsóknir á loðnu innan íslensku efnahagslögsögunnar fyrir vestan og norðan Ísland á tímabilinu 20. til 28. nóvember síðastliðinn.

03. des. 2020Neytendamál, Atvinnuvegir, Atvinnuvegaráðuneytið

Skýrsla ASÍ um verðþróun á dagvörumarkaði

Framboð eða úrval á innlendum og innfluttum landbúnaðarvörum hefur aukist töluvert undanfarna mánuði, en verð á innfluttum landbúnaðarvörum hefur hækkað í flestum​tilfellum meira en á þeim innlendu.​Í sumum vöruflokkum hækkaði verð á innfluttum landbúnaðarvörum þó ekki mikið umfram verð á innlendum vörum og tiltölulega lítið sé horft til veikingar krónunnar á tímabilinu sem verðtakan fór fram. Þetta er niðurstaða verðkönnunar sem verðlagseftirlit ASÍ framkvæmdi fyrir atvinnuvega- og nýsköpunarráðuneytið undanfarna mánuði.​

30. nóv. 2020Vísindi nýsköpun og rannsóknir, Nýsköpun, Atvinnuvegir, Menningar-٫ nýsköpunar- og háskólaráðuneytið

Hvaða tækifæri felast í að fá erlenda sérfræðinga til Íslands?

Samtök iðnaðarins og Íslandsstofa í samvinnu við atvinnuvega- og nýsköpunarráðuneytið standa fyrir opnum rafrænum fundi miðvikudaginn 2. desember kl. 12.00 um tækifærin sem felast í að fá fleiri erlenda sérfræðinga til landsins í hátæknistörf. Fundinum er streymt á Facebook.

29. nóv. 2020Atvinnuvegaráðuneytið, Líf og heilsa, Landbúnaður, Atvinnuvegir

Ráðherra undirritar samning um sálrænan stuðning við bændur í Skagafirði

Kristján Þór Júlíusson, sjávarútvegs- og landbúnaðarráðherra, Gunnar Þorgeirsson, formaður Bændasamtaka Íslands, og fulltrúar sveitarfélaga í Skagafirði hafa undirritað samkomulag við Kristínu Lindu Jónsdóttur, sálfræðing, um að veita sauðfjárbændum sálrænan stuðning og ráðgjöf vegna riðuveiki sem greinst hefur í Skagafirði. Kristín Linda er klínískur sálfræðingur og rekur eigin sálfræðistofu, Huglind ehf.

27. nóv. 2020Ferðaþjónusta, Nýsköpun, Opinber innkaup, Atvinnuvegir, Atvinnuvegaráðuneytið

Brandenburg valið úr hópi umsækjenda í hönnun og þróun einkennis Fyrirmyndaráfangastaða

„Undanfarin ár hefur uppbygging innviða á áfangastöðum ferðamanna um land allt verið í fyrirrúmi, með áherslu á náttúruvernd og öryggismál. Með þessu verkefni höldum við áfram á þeirri braut en með nýrri nálgun á áfangastaðastjórnun, sem tekur aukið tillit til upplifunar gesta og sérkenna hvers staðar. Það er okkar von að Fyrirmyndaráfangastaðir efli jákvæða ímynd Íslands sem lands sjálfbærrar þróunar, í takt við framtíðarsýn og leiðarljós ferðaþjónustunnar til 2030.”

26. nóv. 2020Atvinnuvegaráðuneytið, Fiskeldi, Landbúnaður, Sjávarútvegur, Atvinnuvegir

Minnihlutavernd í veiðifélögum verði styrkt

Kristján Þór Júlíusson, sjávarútvegs- og landbúnaðarráðherra, hefur lagt fram á Alþingi frumvarp til breytingar á lögum um lax- og silungsveiði, nr. 61/2006, sem miðar einkum að því að styrkja minnihlutavernd í veiðifélagi með sérstökum reglum um atkvæðavægi á fundum. Á síðasta löggjafarþingi var lagt fram frumvarp sem stefndi að sömu markmiðum, en það varð ekki að lögum. Unnið hefur verið með þær athugasemdir og tillögur sem fram komu við meðferð málsins á Alþingi og er frumvarpið afrakstur þeirrar vinnu.

25. nóv. 2020Ferðaþjónusta, Atvinnuvegir, Atvinnuvegaráðuneytið

Bætt aðstaða við Sólheimajökul í þágu öryggis og stýringar

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, opnaði í dag nýjan stíg við Sólheimajökul sem leiðir gesti að útsýnissvæði þar sem hægt er að horfa til jökuls og lóns. Sólheimajökull er einn af vinsælli viðkomustöðum ferðamanna á Íslandi en aðstöðu fyrir gesti hefur verið ábótavant.

25. nóv. 2020Menntamál, Neytendamál, Skipulagsmál, Ferðaþjónusta, Atvinnuvegir, Atvinnuvegaráðuneytið

Upplýsingasíða um lögverndun starfsgreina og starfsheita

Nýverið kom út skýrsla OECD um samkeppnismat á regluverki byggingariðnaðar og ferðaþjónustu. Ferðamála-, iðnaðar- og nýsköpunarráðherra hafði forgöngu um gerð skýrslunnar í þeirri viðleitni að bæta skilyrði fyrir virkri samkeppni og draga úr óþarfa reglubyrði í þessum tveimur mikilvægum atvinnugreinum. Verkefnið var unnið af sérfræðingum OECD undir stjórn verkefnisstjóra frá samkeppnisdeild OECD og með þátttöku atvinnuvega- og nýsköpunarráðuneytisins, Samkeppniseftirlitsins auk annarra ráðuneyta og stofnana sem hafa tengsl við stjórnsýslu málaflokkanna.

24. nóv. 2020Atvinnuvegaráðuneytið, Landbúnaður, Atvinnuvegir

Annar innlausnarmarkaður ársins fyrir greiðslumark í sauðfé

Kristján Þór Júlíusson, sjávarútvegs- og landbúnaðarráðherra hefur ákveðið að haldinn verður auka innlausnarmarkaður með greiðslumark í sauðfé í desember 2020. Markaðurinn er haldinn að tillögu Landssamtaka sauðfjárbænda um að auka greiðslumark á markaði fyrir sauðfjárbændur. Aðgerðin miðar að því að jafna stöðu bænda innan kerfisins þar sem greiðslumarki er beint til hópa sem framleiða með minnstum opinberum stuðningi.

20. nóv. 2020Vísindi nýsköpun og rannsóknir, Covid-19, Nýsköpun, Atvinnuvegir, Menningar-٫ nýsköpunar- og háskólaráðuneytið

Kría í Samráðsgátt stjórnvalda

Reglugerð um Kríu – sprota- og nýsköpunarsjóð er nú í Samráðsgátt stjórnvalda, en hlutverk Kríu er að fjárfesta í sérhæfðum fjárfestingarsjóðum, svokölluðum vísisjóðum (e. venture capital funds) sem sjálfir fjárfesta í nýskapandi sprotafyrirtækjum. Tilgangur með stofnun Kríu er að efla fjárfestingarumhverfi sprota- og nýsköpunarfyrirtækja á Íslandi og er liður í stefnumótun stjórnvalda í málefnum nýsköpunar og í samræmi við Nýsköpunarstefnu.

18. nóv. 2020Atvinnuvegaráðuneytið, Landbúnaður, Atvinnuvegir

Kaup og sala greiðslumarks í sauðfé

Innlausnarmarkaður greiðslumarks í sauðfé og endurúthlutun þess til umsækjenda fór fram nú í nóvember. Framkvæmdin er í samræmi við breytingar sem gerðar voru á sauðfjársamningi við endurskoðun hans sl. vetur og nýjar úthlutunarreglur sem tóku gildi með reglugerð 1253/2019. Í þeim felst m.a. að umsækjendum er skipt í þrjá hópa með tilliti til forgangs og að úthlutun tekur mið af því að hver framleiðandi getur ekki óskað eftir ærgildum umfram þau sem tryggja honum óskertar beingreiðslur í samræmi við fjárfjölda og ásetningshlutfall.

17. nóv. 2020Neytendamál, Húsnæðis- og mannvirkjamál, Byggðamál, Atvinnuvegir, Atvinnuvegaráðuneytið

Frumvarp um einföldun regluverks í Samráðsgátt stjórnvalda

Frumvarp til laga um breytingar á ýmsum lögum vegna einföldunar regluverks er að finna í Samráðsgátt stjórnvalda. Frumvarpið er annar liður í aðgerðaráætlun atvinnuvega- og nýsköpunarráðuneytisins um einföldun regluverks á málefnasviði ferðamála-, iðnaðar- og nýsköpunarráðherra. Í frumvarpinu er m.a. horft til nýlegrar skýrslu OECD um samkeppnismat á byggingariðnaðar og ferðaþjónustu.

17. nóv. 2020Atvinnuvegaráðuneytið, Auðlindir, Vísindi nýsköpun og rannsóknir, Sjávarútvegur, Atvinnuvegir

Ársfundur Norðaustur-Atlantshafsfiskveiðiráðsins

Ársfundur Norðaustur-Atlantshafsfiskveiðiráðsins (NEAFC), sá 39. í röðinni, var haldinn í gegnum fjarfundabúnað dagana 10.-13. nóvember. Ráðið fer með stjórn fiskveiða utan lögsagna ríkja á Norðaustur-Atlantshafi. Bretar gerðust nýlega aðilar að ráðinu eftir útgöngu sína úr Evrópusambandinu, en auk þeirra eru aðilar NEAFC Danmörk (varðandi Færeyjar og Grænland), Evrópusambandið, Ísland, Noregur og Rússland. Stefán Ásmundsson, skrifstofustjóri í atvinnuvega- og nýsköpunarráðuneytinu (ANR) fór fyrir íslensku sendinefndinni á fundinum. Í sendinefndinni voru, auk fulltrúa ANR, fulltrúar utanríkisráðuneytisins, Fiskistofu, Hafrannsóknastofnunar, og Samtaka fyrirtækja í sjávarútvegi.

15. nóv. 2020Atvinnuvegaráðuneytið, Auðlindir, Umhverfi og náttúruvernd, Vísindi nýsköpun og rannsóknir, Náttúruvernd, Sjávarútvegur, Atvinnuvegir

Unnið að hvítbók um vistkerfisbreytingar í hafinu við Ísland

Hafrannsóknastofnun vinnur nú að hvítbók um umhverfis og vistkerfisbreytingar í hafinu við Ísland og mögulegar sviðsmyndir eða afleiðingar áhrifa loftslagsbreytinga. Vinnan er unnin að frumkvæði Kristjáns Þórs Júlíussonar, sjávarútvegs- og landbúnaðarráðherra, en ráðherra gerði grein fyrir vinnunni í ávarpi á ársfundi Hafrannsóknastofnunar á föstudag. Áformað er að skýrslan liggi fyrir í apríl á næsta ári.

13. nóv. 2020Atvinnuvegaráðuneytið, Húsnæðis- og mannvirkjamál, Vísindi nýsköpun og rannsóknir, Atvinnuvegir

Árétting vegna umfjöllunar um rannsóknir á rakaskemmdum

Í tilefni af umfjöllun um rannsóknir á rakaskemmdum í mannvirkjum áréttar atvinnuvega- og nýsköpunarráðuneytið að áhersla er lögð á að efla rannsóknir í byggingariðnaði og tryggja samfellu í samfélagslega mikilvægum rannsóknum á borð við þær sem snúa að rakaskemmdum og myglu í mannvirkjum.

13. nóv. 2020Auðlindir, Orka, Atvinnuvegir, Umhverfis-٫ orku- og loftslagsráðuneytið

Greining á regluverki og fyrirkomulagi er varðar flutning og dreifingu raforku

Að undanförnu hefur verið umræða um flutnings- og dreifikostnað raforku á Íslandi og rekstrarumhverfi sérleyfisfyrirtækja sem sjá um flutning og dreifingu raforku samkvæmt raforkulögum. Flutningsfyrirtækið Landsnet og dreifiveitur starfa innan ramma tekjumarka sem Orkustofnun setur þeim samkvæmt ákveðnum viðmiðum og forsendum sem koma fram í raforkulögum og reglugerðum. Eru þau ákvæði raforkulaga í grunninn frá árinu 2003 en var talsvert breytt 2011. Ákvarða tekjumörkin gjaldskrár sérleyfisfyrirtækjanna fyrir flutning og dreifingu raforku.

13. nóv. 2020Neytendamál, Orka, Atvinnuvegir, Atvinnuvegaráðuneytið

Úttekt á samkeppnishæfni stóriðju á Íslandi með tilliti til raforkukostnaðar

Þýska fyrirtækið Fraunhofer hefur að beiðni atvinnuvega- og nýsköpunarráðuneytisins gert úttekt á samkeppnishæfni stóriðju á Íslandi með tilliti til raforkukostnaðar. Meginniðurstaðan er að raforkukostnaður stórnotenda á Íslandi skerði almennt ekki samkeppnishæfni þeirra gagnvart samanburðarlöndunum, sem eru Noregur, Kanada (Quebec) og Þýskaland.

11. nóv. 2020Atvinnuvegaráðuneytið, Landbúnaður, Atvinnuvegir

Endurskoðun hafin á reglum um riðu o.fl.

Kristján Þór Júlíusson, sjávarútvegs- og landbúnaðarráðherra, hefur sett af stað vinnu í atvinnuvega- og nýsköpunarráðuneytinu við að meta og endurskoða reglur og stjórnsýslu hvað varðar málefni riðu, varnarlínu búfjár, bótafyrirkomulags vegna búfjársjúkdóma og regluverk dýraheilbrigðis. Er nú unnið að nánari skilgreiningu og afmörkun verkefnanna í verkþætti.

10. nóv. 2020Atvinnuvegaráðuneytið, Landbúnaður, Atvinnuvegir

Skýrslu um þróun tollverndar skilað til ráðherra

Starfshópur, sem falið var að greina þróun tollverndar og stöðu íslensks landbúnaðar gagnvart breytingum í alþjóðlegu viðskiptaumhverfi, hefur skilað skýrslu til sjávarútvegs- og landbúnaðarráðherra og gerði ráðherra grein fyrir skýrslunni á fundi ríkisstjórnarinnar í morgun. Í skýrslunni er fjallað um markaðsaðgang og tollaívilnanir í gegnum fríverslunar- og viðskiptasamninga sem Ísland hefur gert, ítarlega er farið yfir þróun á innflutningi landbúnaðarafurða og innlendrar framleiðslu síðasta áratuginn og fjallað er um þróun tollverndar og stuðning við landbúnað í alþjóðlegu samhengi.

09. nóv. 2020Atvinnuvegir, Umhverfi og náttúruvernd, Ferðaþjónusta, Hönnun, Náttúruvernd, Atvinnuvegaráðuneytið

Leitað að hönnuðum til að þróa einkenni fyrir nýtt kerfi áfangastaðastjórnunar

Atvinnuvega- og nýsköpunarráðuneytið og umhverfis- og auðlindaráðuneytið í samstarfi við Miðstöð hönnunar og arkitektúrs leita að hönnuði eða hönnunarteymi til að vinna að hönnun og þróun einkennis og kynningarefnis fyrir nýtt kerfi áfangastaðastjórnunar, sem ber vinnuheitið Fyrirmyndaráfangastaðir í ferðaþjónustu

06. nóv. 2020Atvinnuvegaráðuneytið, Atvinnuvegir, Umhverfi og náttúruvernd, Landbúnaður, Umhverfis-٫ orku- og loftslagsráðuneytið

Aðgerðir hafnar vegna riðuveiki í Skagafirði

​Riðuveiki er staðfest á fjórum sauðfjárbúum í Skagafirði, þ.e. Stóru-Ökrum 1, Syðri-Hofdölum, Grænumýri og Hofi í Hjaltadal. Á grundvelli laga um dýrasjúkdóma og varnir gegn þeim hefur atvinnuvega- og nýsköpunarráðuneytið, að undangengnum tillögum Matvælastofnunar, fyrirskipað niðurskurð alls fjár á búunum eða á um 2.500 gripum og hefur niðurskurður þegar verið framkvæmdur á búunum Hofi og Stóru-Ökrum.