Efnisorð
Tegund

Leita eftir efnisorðum

Sýnir 1951–2000 af 3010
Raða eftir:
25. jan. 2018Samgöngur og fjarskipti, Vegasamgöngur, Innviðaráðuneytið

Ráðherra tók þátt í borgarafundi um samgöngumál á Vesturlandi

Opinn fundur um samgöngumál á Vesturlandi fór fram á Akranesi í gær og var Sigurði Inga Jóhannssyni, samgöngu- og sveitarstjórnarráðherra, afhent þar áskorun fundarins um tafarlausar úrbætur á Vesturlandsvegi á Kjalarnesi. Fundurinn var haldinn að frumkvæði bæjarstjórnar Akraness í samvinnu við önnur sveitarfélög á Vesturlandi.

25. jan. 2018Samgöngur og fjarskipti, Flug og flugvellir, Innviðaráðuneytið

Samgöngu- og sveitarstjórnarráðherra heimsótti Isavia

Sigurður Ingi Jóhannsson, samgöngu- og sveitarstjórnarráðherra, heimsótti Isavia á Keflavíkurflugvelli í dag ásamt fylgdarliði. Björn Óli Hauksson, forstjóri Isavia, og nokkrir samstarfsmenn fóru yfir helstu þættina í starfseminni og greindu frá þróunaráætlun og þeirri uppbyggingu sem fyrirsjáanleg er á næstu árum og áratugum vegna aukinna umsvifa í fluginu.

23. jan. 2018Sveitarstjórnir og byggðamál, Innviðaráðuneytið

Byggðastofnun og atvinnuþróunarfélög skrifuðu undir nýja samstarfssamninga

Fulltrúar Byggðastofnunar og átta atvinnuþróunarfélaga um land allt skrifuðu í dag undir nýja samstarfssamninga til næstu fimm ára. Sigurður Ingi Jóhannsson, samgöngu- og sveitarstjórnarráðherra, var viðstaddur undirritunina og sagði hann það eindreginn vilja ríkisstjórnarinnar að efla byggðamál og tryggja búsetu vítt og breitt um landið.

10. jan. 2018Samgöngur og fjarskipti, Siglingar, Innviðaráðuneytið

Áform um lagasetningu vegna innleiðingar alþjóðasamþykktar um vinnuskilyrði farmanna

Samgöngu- og sveitarstjórnarráðuneytið undirbýr nú innleiðingu á alþjóðasamþykkt um vinnuskilyrði farmanna og áformar í því skyni að leggja frumvarp fyrir Alþingi svo unnt verði að fullgilda samþykktina. Frestur til að koma að umsögnum og ábendingum er veittur til og með 25. janúar næstkomandi og skulu þær sendar á netfangið postur@srn.is.

05. jan. 2018Samgöngur og fjarskipti, Vegasamgöngur, Innviðaráðuneytið

Vetrarþjónusta verður aukin á þjóðvegum

Samgöngu- og sveitarstjórnarráðherra hefur ákveðið í samráði við Vegagerðina að auka vetrarþjónustu og hálkuvarnir á ákveðnum köflum á þjóðvegakerfinu í því skyni að bæta umferðaröryggi. Ráðherra og vegamálastjóri hafa að undanförnu kannað með hvaða hætti og hvar helst þarf að bæta þjónustuna og Vegagerðin hefur áætlað kostnað við þessa auknu þjónustu.

07. des. 2017Samgöngur og fjarskipti, Fjarskipti, Innviðaráðuneytið

Áform um lagasetningu um samnýtingu jarðvegsframkvæmda til að greiða fyrir ljósleiðaralagningu

Samgöngu- og sveitarstjórnarráðuneytið undirbýr nú innleiðingu á tilskipun Evrópusambandsins nr. 2014/61/EB og áformar í því skyni að leggja frumvarp fyrir Alþingi er varðar samnýtingu jarðvegsframkvæmda á sviði fjarskipta-, raforku- og veitukerfa. Meginmarkmið tilskipunarinnar snúa að því að draga úr kostnaði við uppbyggingu háhraða fjarskiptaneta.

30. nóv. 2017Fjarskipti, Upplýsingatæknimál ríkisins, Samgöngur og fjarskipti, Innviðaráðuneytið

Reykjavíkurborg og Stjórnarráðið fengu viðurkenningu fyrir bestu vefi ríkisstofnunar og sveitarfélags

Reykjavíkurborg og Stjórnarráðið fengu viðurkenningu fyrir bestu vefi ríkisstofnunar og sveitarfélaga á degi upplýsingartækninnar sem fram fór í dag í Reykjavík. Fjallað var um fjölmargar hliðar vef- og uppýsingatækni á vinnustofu og ráðstefnu UT dagsins sem stóð daglangt.

23. nóv. 2017Samgöngur og fjarskipti, Upplýsingatæknimál ríkisins, Almannaöryggi, Fjarskipti, Netöryggi, Innviðaráðuneytið

UT-dagurinn haldinn 30. nóvember

Dagur upplýsingatækninnar 2017 verður haldinn á Grand hóteli í Reykjavík fimmtudaginn 30. nóvember. Fyrir hádegi fer fram vinnustofa um nýjungar í vefmálum ríkis og sveitarfélaga. Fjallað verður um vefstefnu og lýðræðisleg verkefni Reykjavíkurborgar, nýja samráðsgátt ráðuneytanna og sögð reynslusaga af þróun á nýjum vef stjórnarráðsins. Einnig verður fjallað um niðurstöður úttektarinnar „Hvað er spunnið í opinbera vefi 2017?“ og niðurstöður öryggisúttektar á sömu vefjum.

15. nóv. 2017Samgöngur og fjarskipti, Fjarskipti, Upplýsingatæknimál ríkisins, Netöryggi, Innviðaráðuneytið

Ísland í efsta sæti meðal þjóða heims í þróun upplýsingasamfélagsins

Ísland er komið í efsta sæti meðal þjóða heims á lista Alþjóðafjarskiptasambandsins um stöðuna í upplýsingatækni og fjarskiptum. Á síðasta ári var Ísland í öðru sæti listans en hefur nú skotist upp fyrir Suður-Kóreu sem hefur verið í efsta sætinu síðustu ár. Sviss skipar þriðja sætið og Danmörk er í því fjórða.

03. nóv. 2017Fjarskiptasjóður, Samgöngur og fjarskipti, Fjarskipti, Innviðaráðuneytið

Ísland ljóstengt 2018 - spurningar og svör vegna umsókna í A-hluta

Fjarskiptasjóður auglýsti nýverið umsóknarferli vegna verkefnisins Ísland ljóstengt sem er landsátak stjórnvalda í uppbyggingu ljósleiðarakerfa utan markaðssvæða í dreifbýli. Fyrirspurnarfrestur vegna styrkumsókna í A-hluta umsóknarferlisins vegna 2018 rann út í gær, 2. nóvember, sl. Meðfylgjandi eru svör við þeim átta spurningum sem bárust.

01. nóv. 2017Sveitarstjórnir og byggðamál, Jöfnunarsjóður, Innviðaráðuneytið

Sérstakt framlag úr Jöfnunarsjóði vegna tekna af skatti á fjármálafyrirtæki

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga um úthlutun framlaga er byggjast á breytingu á lögum um tekjustofna sveitarfélaga. Breytingin felur í sér að þrátt fyrir ákvæði í 9. gr. laganna skuli Jöfnunarsjóður á árinu 2017 greiða sérstakt framlag sem skiptast skuli hlutfallslega milli sveitarfélaga í samræmi við hlutdeild þeirra í álögðu heildarútsvari á árinu 2016.