Efnisorð
Tegund

Leita eftir efnisorðum

Sýnir 4201–4250 af 13117
Raða eftir:
15. des. 2021Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 569/2021 - Úrskurður

Meðlag. Staðfest ákvörðun Tryggingastofnunar ríkisins um að hafa milligöngu um meðlagsgreiðslur til barnsmóður kæranda . Tryggingastofnun ber lögbundna skyldu til að hafa milligöngu um meðlagsgreiðslur sé þess farið á leit við stofnunina í þeim tilvikum þar sem lögformleg meðlagsákvörðun liggur fyrir, sbr. 1. mgr. 63. gr. laga nr. 100/2007 um almannatryggingar.

15. des. 2021Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 257/2021 - Úrskurður

Örorkulífeyrir. Staðfest ákvörðun Tryggingastofnunar ríkisins um að fella niður greiðslur sérstakrar uppbótar vegna framfærslu til kæranda. Ákvörðun Tryggingastofnunar um að lækka greiðslur tekjutryggingar felld úr gildi og þeim hluta málsins vísað aftur til stofnunarinnar til nýrrar meðferðar. Úrskurðarnefndin taldi ekki liggja fyrir fullnægjandi upplýsingar til að meta hvort erlendur lífeyrir kæranda væri sambærilegur bótum samkvæmt lögum um almannatryggingar eða greiðslum úr skyldubundnum atvinnutengdum lífeyrissjóðum.

15. des. 2021Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 423/2021 - Úrskurður

Ofgreiddar bætur. Staðfest ákvörðun um endurreikning og uppgjör Tryggingastofnunar ríkisins á tekjutengdum bótum ársins 2020. Ekki fallist á að við meðhöndlun leigutekna við endurreikninginn hafi átt að taka tillit til 3. mgr. 66. gr. laga nr. 90/2003 um tekjuskatt þar sem ekki sé vísað til hennar í 2. mgr. 16. gr. laga um almannatryggingar.

01. des. 2021Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 363/2021 - Úrskurður

Endurupptökubeiðni synjað. Úrskurðarnefnd velferðarmála taldi að ekki yrði ráðið af gögnum málsins að niðurstaða nefndarinnar hafi byggst á ófullnægjandi eða röngum upplýsingum um málsatvik, sbr. 1. mgr. 24. gr. laga nr. 37/1993 né að kærandi eigi rétt á endurupptöku málsins á grundvelli ólögfestra reglna stjórnsýsluréttar.